İsayev “Sumqayıt”a qayıtdı: “Peşmanam”
19.10.2019 , 16:05
“Sumqayıt”ın yarımmüdafiəçisi Aleksey İsayev komandaya qoşulub. Ötən mövsüm bitdikdən sonra “Gənclik şəhəri” təmsilçisində oynamaqdan imtina edən yarımmüdafiəçi özünə yeni klub tapa bilməyincə geri qayıdıb.
Korner.az xəbər verir ki, futbolçu klubun saytına açıqlamasında “Sumqayıt”dan üzr istəyib:
“Etdiyim hərəkətə görə peşmanam. Düşünürəm ki, klubla aramda anlaşılmazlıq olmuşdu. Öz oyunumla baş verənləri unutdurmağa çalışacam. Futbol mənim həyatımdı, bu səbəbdən hərşeyi unutmaq istəyirəm. Baş verənlərə görə “Sumqayıt” ailəsindən üzr istəyirəm. Klub rəhbərliyi və məşqçi heyətinə məni anlayışla qarşıladığına görə təşəkkür edirəm. Əvvəlki formamı bərpa edib yenidən “Sumqayıt”a kömək etməyə çalışacam”.
