Bu gün AFFA İntizam Komitəsinin növbəti iclası keçirilib.
Korner.az-ın məlumatına görə, toplantıda Topaz Premyer Liqasının son turunda baş verənlərlə bağlı müvafiq qərarlar çıxarıb.
Qərarları diqqətinizə çatdırırıq:
Topaz Premyer Liqasının VI turunun “Neftçi” – “İnter” oyununun 76-cı dəqiqəsində “İnter” klubunun baş məşqçisi Kaxaber Sxadadze texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanır, klub 1000 manat cərimə olunub.
Matçın 83-cü dəqiqəsində “İnter” klubunun 47 nömrəli futbolçusu Abdulla Abatsiyevlə “Neftçi” klubunun 16 nömrəli futbolçusu Bruno Bertuççi idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldıqları üçün hər iki futbolçu 1 oyunluq cəzalanır, klublar 200 manat cərimələnib.
Matç başa çatdıqdan sonra “İnter” klubunun baş məşqçisi Kaxaber Sxadadzenin mətbuat konfransında ikinci dəfə iştirak etmədiyi üçün kluba 2000 manat cəza kəsilib.
Topaz Premyer Liqasının VI turunun “Rəvan” – “Qarabağ” matçının 54-cü dəqiqəsində “Qarabağ” klubunun azarkeşləri tərəfindən meydançaya kənar əşya atıldığı üçün klub 2000 manat cərimə olunub.
Topaz Premyer Liqasının VI turunun “Xəzər Lənkəran” – “Bakı” matçında “Bakı” klubunun 5 futbolçusu sarı vərəqə cəzalandığı üçün klub 1000 manat cərimələnib.
Oyunun 8-ci dəqiqəsində “Xəzər Lənkəran” klubunun məşqçisi Emin Quliyev hakimi təhqir etdiyinə görə meydandan kənarlaşdırldığı üçün 5 oyunluq cəzalanır, klub 5000 manat cərimə tətbiq edilib.
Matçın fasiləsi zamanı “Bakı” klubunun baş meneceri Zeynal Məmmədov hakimləri təhqir etdiyinə görə 5 oyunluq cəzalanır, klub 5000 manat cərimə olunub.
Topaz Premyer Liqasının VI turunun AZAL – “Qəbələ” matçında AZAL klubunun 5 futbolçusu sarı vərəqə cəzalandığı üçün kluba 1000 manat cəza kəsilib.
Oyunun 50-ci dəqiqəsində “Qəbələ” klubunun 4 nömrəli futbolçusu Amit Quluzadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimələnib.
Oyunun 90+3-cü dəqiqəsində “Qəbələ” klubunun məşqçiləri Dmitri Kramarenko, Sənan Qurbanov, klubun inzibatçıları Vüqar Məmmədov və Şirin Tahirov texniki zona qaydalarını pozduqlarına görə hər bir şəxs 1 oyunluq cəzalanır, klub 4000 manat cərimə olunub.
Oyun başa çatdıqdan sonra “Qəbələ” klubunun məşqçisi Andrey Syomin hakimləri təhqir etdiyinə görə 5 oyunluq cəzalanır, klub 5000 manat cərimələnib.
