"İnter"in Avropa Liqasının ıı mərhələdəki rəqib Yunanıstanın "Asteras Tripolis" klubu ilə oyununu idarə edəcək hakimlər məlumdur.
Korner.az-ın məlumatına görə, bu matçı macarıstanlı referi Mixali Fabian idarə edəcək.
Qeyd edək ki, hələlik "İnter"in "Asteras Tripolis" klubu ilə ilk matçını evdə, yoxsa səfərdə keçirəcəyi məlum deyil. Bu, daha çox paytaxtın digər təmsilçisi "Bakı"nın "Mura" (Sloveniya) ilə görüşünün nəticəsindən asılıdır. "Bakı" "Mura" səddini keçəcəyi halda "İnter" yenə ilk matçını səfərdə keçirməli olacaq.
