“İnter”in keçmiş müdafiəçisi karyerasını erkən sonlandırdı
24.11.2025 , 17:39
“İnter”in keçmiş müdafiəçisi Zinho Vanheusden 26 yaşında futbolçu karyerasını bitirdiyini açıqlayıb.
Korner.az xəbər verir ki, məlumat “Football Italia” tərəfindən yayımlanıb.
Futbolçu peşəkar karyerasına “Standard”da başlayıb və 16 yaşında “İnter”in gənclər komandası ilə müqavilə bağlayıb. Gənc yaşda böyük istedad kimi qiymətləndirilsə də, ardıcıl zədələr onun yüksəlişinə mane olub.
Vanheusden şəxsi sosial media hesabında qərarı ilə bağlı belə yazıb:
“Son illər çox ağır keçdi. Zədələr, əməliyyatlar, müalicələr… Sağalmaq üçün bütün imkanları sınadım, amma hər dəfə daha da çətinləşdi. Futbol sevgisi içimdə qalsa da, bədənim artıq davam edə bilmir. Öz sağlamlığımı və ata kimi məsuliyyətimi nəzərə alaraq futboldan uzaqlaşıram. Futbolsuz həyatı tanımıram, amma öyrənəcəyəm”.
Belçika yığmasının heyətində 1 matça çıxmış müdafiəçi bununla karyerasını rəsmən başa vurub.
