Zaqatalanın "Simurq" klubu daha bir transferi rəsmiləşdirib.
Korner.az-ın klubun rəsmi saytına istinadən verdiyi məlumata görə, geridə qalan mövsümün ikinci dövrəsindən icarə əsasında komandanın formasını geyinən Ruslan Poladovla bir illik müqavilə imzalanıb.
Təcrübəli futbolçu uzun danışıqlardan sonra rəsmi şəkildə "Simurq"un heyətinə qatılıb. Qış transfer pəncərəsində "İnter"dən icarə əsasında heyətə qatılan Poladov ötən mövsüm 14 qarşılaşmada forma geyinib və bir dəfə rəqib qapıçısını məyus edib.
Hazırda növbəti mövsümə hazırlıqları davam etdirən "Simurq" müqaviləsinin müddəti başa çatdığına görə komandadan ayrılan gənc futbolçu Rəşad Eyyubovla da artıq ilkin razılığa gəlib. Onunla da bu həftə ərzində rəsmi müqavilə imzalanacaq.
