“İnter”in futbolçusu Asif Məmmədov klubunun rəsmi saytına müsahibə verib. Korner.az həmin müsahibə ilə
sizi tanış edir
– “Turan”la keçirilən oyun barədə nə deyə bilərsiniz?
– Ötən tur “Sumqayıt”la matçda xal itirmişdik, buna görə tovuzlularla oyunda xal itirmək planımıza daxil deyildi. “Turan”la matçda müvəffəqiyyətsizlik turnir cədvəlindəki mövqeyimizə mənfi təsir göstərə bilərdi. Biz çempionluğa oynayırıq və bizə lazımi bütün xalları toplamaq vacibdir. Oyun mürəkkəb alındı, ancaq əsas odur ki, qələbə qazandıq və xal ehtiyamızı artırdıq.
– Məşqlərin birində kiçik zədə aldınız və demək olar bütün həftəni ayrı proqramla çalışdız. Yəqin məhz buna görə baş məşqsi sizi fasilədən sonra meydançaya buraxdı…
– Bəli, zədəm vardı və buna görə bir neçə gün ayrılıqda məşq etdim. Komanda ilə cəmi 2 məşq keçdim. Baş məşqçi məni ikinci hissədə meydançaya buraxmaq qərarına gəldi və mən onun bu qərarına hörmətlə yanaşıram. Mən fasilədən sonra oyuna qoşuldum və komandaya kömək etməyə çalışdım.
– “İnter”in başlıca problemlərindən biri zəif realizasiyadır. Bu qarşılaşmada da “İnter” təxminən 15 qol vəziyyəti yaratdı və yalnız 2 vəziyyətdən istifadə etməyi bacardı…
-Düzdür, bizim kifayət qədər qol vurmaq şansımız oldu, bir çoxundan istifadə edə bilmədik. Düşünürəm ki, bizə belə epizodlarda daha soyuqqanlı davranmaq lazımdır. Bunun üzərində işləmək lazımdır.
– Artıq növbəti turda komandanızı Zaqatalaya çətin səfər gözləyir. “Simurq”la görüş haqda nə deyə bilərsiniz?
– Bizi çox çətin matç gözləyir. Səfərdə çempionatın liderlərindən birilə oynayacağıq. Öncədən məlumdur ki, bizə asan olmayacaq.
