İtaliyanın "İnter" klubunun baş məşqçisi Andrea Stramaççoni "Milan" qarşısında qazanılan qələbəni şərh edib.
Korner.az-ın məlumatına görə, baş məşqçi bu zəfərin 3 qələbəyə bərabər olduğunu deyib.
"Qızıl" dəyərində olan 3 xalı qazandıqlarını bildirlən Stramaççoni derbi matçını qazanmağın çox böyük önəm daşıdığını vurğulayıb. "Bəlkə də digər oyunlardakı kimi 3 xal qazandıq, amma derbini qazanmağın sevinci tamam başqadır. Və onu da qeyd edim ki, biz bunu bacararkən 10 nəfər idik".
Olduqca gözəl oyun nümayiş etdirdiklərini bildirən baş məşqçi "10 nəfər qaldıqdan sonra ikinci hissədə öz oyunumuzu davam etməyə çalışdıq. Oyunçularım fiziki güclərini hərkəsə göstərdi", deyib.
Qeyd edək ki, A seriyasında keçən həftə sonu oynanılan matçda "Milan" ilə qarşılaşan "İnter" rəqibini 1:0 hesabı ilə məğlub edərək, çox önəmli olan 3 xalı öz aktivinə yazdırıb.