“İnter” və “Milan”ın hədəfində: İlan Melye
18.11.2025 , 20:15
İtaliyanın aparıcı klublarından olan “İnter” və “Milan” “Lids Yunayted”in fransalı qapıçısı İlan Melye ilə maraqlanır.
Korner.az xəbər verir ki, 25 yaşlı qolkiperin İngiltərə təmsilçisi ilə müqaviləsi 2026-cı ilin yayına qədər qüvvədə olsa da, tərəflər onu yeniləməyi planlaşdırmır.
Bu səbəbdən “Lids Yunayted” qış transfer dönəmində oyunçunu daha uyğun məbləğə satmağa hazırlaşır.
Həm “İnter”, həm də “Milan” qapıçı mövqeyini gücləndirmək istəyir. “İnter”də təcrübəli Yan Zommerin karyerasının son mərhələsinə yaxınlaşması klub rəhbərliyində narahatlıq yaradıb. “Milan”da isə Mayk Menyanın yeni müqaviləyə müsbət yanaşmadığı bildirilir və onun sözləşməsi də 2026-cı ildə bitir.
Qeyd edək ki, Melye bu mövsüm “Lids Yunayted”də hələ meydana çıxmayıb.
