Avropa Liqasının I təsnifat mərhələsinin ilk oyunları çərçivəsində keçiriləcək “İnter” – “Mladost” matçını idarə edəcək hakimlərin adı açıqlanıb.
Bakıda baş tutacaq qarşılaşmada ədaləti ukraynalı hakimlər qoruyacaq. Belə ki, matçın baş hakimi Nikolay Balakin olacaq. Ona həmyerliləri – Vladimir Bolodin və Aleksandr Korniko köməklik edəcəklər.
Dördüncü hakim funksiyasını isə Anatoli Xavçenko yerinə yetirəcək.
Qeyd edək ki, “İnter” – “Mladost” oyunu iyulun 6-da “Dalğa Arena”da keçiriləcək. Matç saat 21:00-da başlayacaq.
