“İnter Mayami”də itki: Messi zədələndi
12.02.2026 , 10:45
“İnter Mayami”nin futbolçusu Lionel Messi zədə ilə üzləşib.
Korner.az xarici KİV-ə istinadən xəbər verir ki, argentinalı ulduz Ekvadorun “Barselona” komandası ilə keçirilən yoxlama oyununda sıradan çıxıb.
Müayinə nəticəsində təcrübəli hücumçunun bud əzələsində dartılma olduğu müəyyənləşib.
39 yaşlı futbolçunun yaşıl meydanlara dönüş vaxtı hələ dəqiqləşməyib. Onun vəziyyəti həkim nəzarətindədir və bərpa proqramı tətbiq olunacaq.
Qeyd edək ki, Messi 2023-cü ilin yayından etibarən MLS təmsilçisinin şərəfini qoruyur.
