“İnter” Gürcüstana gedir

Topaz Premyer Liqada yaranmış fasilədən istifadə edən Bakı “İnter”i bu gün gecə saatlarında Gürcüstana yola düşəcək.

Korner.az-ın klubun saytına istinadın yaydığı xəbərə görə, Tbilisinin “Bomond Garden” otelində məskunlaşacaq komanda təlim-məşq toplanışı çərçivəsində iki yoxlama matçı keçirməyi planlaşdırır.

“İnter”  avqustun 28-də “Samtredia”, sentyabrın 1-də isə “Tsxinvali”  ilə qarşılaşacaq.

Sentyabrın 2-də vətənə qayıdacaq  komanda növbəti tura hazırlıqlarını Bakıda davam etdirəcək.