“İnter” Çalhanoğlunu qışda buraxmaq niyyətində deyil
20.11.2025 , 10:30
“İnter”in ulduz yarımmüdafiəçisi Hakan Çalhanoğlu qış transfer pəncərəsində komandadan ayrılmayacaq.
Korner.az xarici KİV-ə istinadən xəbər verir ki, 31 yaşlı futbolçunun yanvarda mümkün transferi ilə bağlı yayılan iddialar həqiqəti əks etdirmir. Milan klubu onu baş məşqçi Kristian Kivunun əsas oyunçularından biri saydığı üçün buraxmaq fikrində deyil.
Qarşıdakı iki-üç ay ərzində klub rəhbərliyi Çalhanoğlunun gələcəyi ilə bağlı danışıqlara başlayacaq. Müzakirələrin həm müqavilə müddətinin uzadılması, həm də yayda baş tuta biləcək mümkün transfer ehtimalı üzərində aparılacağı bildirilir.
Qeyd edək ki, türkiyəli futbolçunun “İnter”lə müqaviləsi 2027-ci ilə qədər qüvvədədir.
