Yeni mövsümün hazırlıqlarına başlayan “İnter” Bakı toplanışı çərçivəsində yoxlama oyununda qüvvəsini sınayacaq.
Korner.az-ın məlumatına görə, məşqlərini Azərbaycan Dövlət Bədən Tərbiyası və İman Akademiyasının stadionunda keçirən “bankirlər”in yoxlama oyunu iyul ayının 8-nə təsadüf edəcək. Lakin rəqibin kimliyi hələlik bəlli deyil. Böyük ehtimalla rəqiblər “Sumqayıt” və AZAL komandalarından biri olacaq. Əgər bu rəqiblər yoxlama oyununa razı olmasalar, rəqib I Divizion komandalarından biri olacaq.
Qeyd edək ki, “İnter” təlim-məşq toplanışın ikinci hissəsini Türkiyədə keçirəcək. Türkiyəyə səfər iyul ayının ortalarına təsadüf edəcək.
