Azərbaycanın cari çempionatı 2004-cü ildə təsis edilmiş “İnter” Peşəkar İdman Klubu üçün sayca 9-cu oldu.
Korner.az-ın klubun rəsmi saytına istinadən verdiyi məlumata görə, komanda 2004-2005-ci il mövsümündə yerli birincilikdə debüt matçına çıxmışdı. İlk nəticəsi də 18 komanda arasında 7-ci yer olmuşdu.
O zamandan bugünədək “İnter” iki dəfə ölkə çempionu olmuş, bir dəfə ikinci yeri tutmuş və bir dəfə çempionatı üçüncü yerdə başa vurmuşdu. Bundan başqa, iki dəfə komanda dördüncü yeri və bir dəfə beşinci yeri tutmuşdu.
2013-2014-cü il mövsümünün başa çatmasına bir tur qalmış bilindi ki, “İnter” mövsümü bürünc medalı qazanmaqla başa vuracaq. Kaxaber Sxadadzenin yetirmələri bürünc medalı klubun tarixində ilk dəfə olaraq ötən mövsümdə əldə etmişdilər.
Ötən mövsüm ilə müqayisədə cari çempionatda “İnter” daha çox rəqib qapısına yol tapıb. Çempionatın başa çatmasına bir tur qalmış komanda 37 dəfə fərqlənib, ötən il 32 qarşılaşmada “İnter” 29 qol vurmuşdu.
Əgər son turda Kaxaber Sxadadzenin yetirmələri “Qəbələ”yə qalib gələ bilsələr, o zaman qələbə sayına görə ötənilki nəticəni (16 dəfə) təkrarlayacaqlar. Bundan başqa, “İnter” bu səviyyəni 57-ə çatdırmaqla toplanmış xal sayına görə nəticəni də yaxşılaşdıracaq.
Mövsüm Yer Komanda M Q H M Qollar X
2004/05 7 “İnter” 34 19 9 6 44-24 66
2005/06 4 “İnter” 26 14 8 4 35-14 50
2006/07 4 “İnter” 24 13 6 5 36-12 45
2007/08 1 “İnter” 26 18 4 4 55-18 58
2008/09 2 “İnter” 26 18 7 1 54-16 61
2009/10 1 “İnter” 22 15 4 3 36-18 49
1 “İnter” 10 5 2 3 11-10 17
2010/11 5 “İnter” 32 13 10 9 29-24 49
2011/12 3 “İnter” 32 16 8 8 29-21 56
2012/13 3 “İnter” 31 15 9 7 37-22 54
