“İmarət” azad azarkeş qrupu polis özbaşınalığı səbəbindən yaranan narahatlığa görə Daxili İşlər Naziri Ramil Usubova müraciət ünvanladı!!
Məktub olduğu kimi təqdim edilir:
Salam cənab Nazir.Sizi narahat edən Qarabağ azarkeşləri olan “İmarət” azad azarkeş qrupunun idarə heyətinin üzvü Elnur Quliyevdir.Müraciətimin məqsədi stadionlarda polis əməkdaşlarının qeyri-qanuni və nalayiq hərəkətlərinin qarşısının alınmasıdır.
Məlumdur ki,bizlər azarkeş olaraq,Azərbaycanın yaralı yerinin adını daşıyan doğma komandamızı-Qarabağımızı dəstəkləmək üçün mütəmadi olaraq satdionların tribunalarında qərarlaşırıq.Onu da qeyd edim ki,bizim etdiyimiz hərəkətlərin heç biri nə qanuna,nə də UEFA və AFFA-nın nizam intizam komitəsinin qərarlarına zidd deyil.Sadəcə futbol oyunları zamanı xidmət aparan bəzi polis əməkdaşları,qərəzli şəkildə azarkeşlərin 90 dəqiqə komandasına dəstək olmasını istəmir və buna yarada biləcəkləri qədər mane yaradırlar.Səbəb isə onların azarkeş səsindən narahat olması və rahat xidmət aparmaq istəmələridir.Buna misal kimi 18.07.2013-cü il tarixdə Avroliqanın 2-ci təsnifat mərhələsinin ilk oyunlarından Qarabağ-Piast matçı zamanı özlərini təqdim etmək istəməyən polis serjantlarının qeyri etik ifadələr işlətməsini,vətəndaşlara əsassız yerə güc tətbiq etməsini və hətta onları vurmasını göstərmək olar.Həmin polis əməkdaşları vətəndaşların təhlükəsizliyini və qayda-qanunu qorumaq əvəzinə oyun zamanı ajotaj yaratmaqdan çəkinmir,səbəb olmadan azarkeş kütləsi arasında yersiz problemlər yaratmağa çalışırlar.
Bizlər sağlam düşüncəli gənclər olaraq,üzərində Azərbaycanımızın rəmzlərini daşıyan Azərbaycan polisinə qarşı hər hansı bir qeyri-etik davranışdan hər zaman çəkinmişik.Ancaq istərdik ki,bizim bəzi polislərimiz də Azərbaycan polisinin nüfuzunu aşağı salacaq hərəkərlərdən çəkinsinlər.Buna görə,bütün kollektivimiz adından bəzi polis əməkdaşlarının özbaşınalığına son vermək üçün,onların komandir,rəis heyəti tərəfindən ciddi şəkildə təlamtlandırılması,onlara humanizm və insanpərvərlik prinsipinin aşılanması işinin gücləndirlməsini Sizdən xahiş edirik.
Diqqətinizə görə minnətdaram.
