“İmarət” 9 yaşında
19.11.2018 , 15:02
Bu gün “Qarabağ”ın ən sadiq azarkeş qrupu olan “İmarət” fan-klubunun 9 yaşı tamam olur.
Ağdamdakı məşhur “İmarət” stadionunun adını daşıyan bu fan-klub 2009-cu il noyabrın 19-da bir qrup vətənpərvər qarabağlı gənc tərəfindən yaradılıb.
“İmarət” bu gün Azərbaycan futbolundakı fan-klublar sırasında, heş şübhəsiz, ən öncüllərdən biridir. Bu fan-klubun son illərdəki ən böyük uğurlarından biri də bir neçə xarici ölkədə “İmarət”in bölmələrinin açılması olub.
Qol.az saytı Azərbaycan futboluna və “Qarabağ”a sadəqətlə xidmət edən, bir növ, komandanın əsgərlərinə çevrilmiş “İmarət”in yaradıcılarını və bütün üzvlərini təbrik edir, “Qarabağ” klubunun və Azərbaycanın bayrağını doğma “İmarət” stadionunda qaldırmağı arzulayır.
