Çempionlar liqası

“İlluziya ilə qarşılaşırıq” – Dani Kintana

31.10.2017 , 07:50

“Evdə keçirdiyimiz oyunlarda bütün rəqiblər üçün çox təhlükəliyik. İndi isə səfərdə ağır matça çıxacağıq”

Bunu “Qarabağ”ın yarımmüdafiəçisi Dani Kintana deyib.

Ağdam klubunun ispaniyalı futbolçusu Çempionlar Liqasının qrup mərhələsində “Atletiko” ilə keçiriləcək səfər qarşılaşması öncəsi yerli mətbuata danışıb. Kintana komandasının həmyerliləri önündə şanslarını dəyərləndirib: “İlluziya ilə qarşılaşırıq. Bunun çətinliyini dərk edirik. “Atletiko” Çempionlar Liqasında iştirak edən ən güclü klublardan biridi. Onların yeni stadionu olan “Vanda Metropolitano” da möhtəşəmdi”.
 
30 yaşlı oyunçu 2015-ci ildə “Yagelloniya”nı tərk edərək “Qarabağ”a keçidini xatırlayıb. O, buna görə, özünü şanslı hesab edir: “Vaxtında Polşadan ayrıldığım üçün şanslıyam. Həmin vaxt hər şeyin yaxşı olacağını düşünürdüm. Azərbaycanda gözəl həyat yaşayırıq, burda boş vaxtlarımız olur. Polşalı həyat yoldaşımla birlikdəyəm. Şəhərdəki mühit futboldan kənar həyat sürməyimizə kömək edir. Bakıda bizə kral kimi yanaşmasalar da, münasibətləri çox yaxşıdı. Bakı küçələrində problemsiz gəzə bilirəm. Polşaya getdiyim gündən etibarən həyatım tamamilə dəyişdi”.
 

Qeyd edək ki, bu gün keçiriləcək “Atletiko” – “Qarabağ” görüşü Bakı vaxtı ilə 23:45-də start götürəcək.

apasport.az

Son yazılar

Yuxarı