İspaniya nəhəngi “Real Madrid”in transfer gündəmində olan İlkay Gündoğanın atası maraqlı açıqlama verib.
Korner.az-ın məlumatına görə, türkəsilli alman futbolçusunun atası və eyni zamanda meneceri olan İrfan Gündoğan “Real Madrid”in İlkayla maraqlandığını açıqlayıb:
“İlkay “Real”ın maraq dairəsindədir. Oğlumla müqavilə imzalamaq istəyirlər. Lakin İlkayın zədəsi ciddi problem yaradır. Zədə sağalandan sonra, yenidən oynamağa başlasın, onda transferin necə nəticələnəyini biləcəyik.”
Qeyd edək ki, Almaniyanın Paraquvayla oynadığı matçda belindən zədələnən İlkay Gündoğan fevral ayından etibarən yaşıl meydanlara geri qayıdacaq.