Çempionlar Liqası 2017/2018-ci il pley-off mərhələsinin son oyunları keçirilib. Azərbaycanın bu turnirdə yeganə təmsilçisi “Qarabağ” səfərdə “Kopenhagen”lə qarşılaşıb.
İlk matçda Bakıda 1:0 hesabı ilə qalib gələn ağdamlılara səfərdə qol vurmaq şərti ilə minimal hesablı bütün məğlubiyyət sərf edirdi. Danimarkanın paytaxtı Kopenhagendə baş tutan oyunun yekun hesabı “Qarabağ”ın leyhinə oldu – 1:2.
Oyundan sonra “Qarabağ”ın baş məşqçisi Qurban Qurbanov matç haqda fikirlərini İdman Azərbaycan kanalına bildirib:
“Bu gün bütün Azərbaycan xalqı qələbə istəyirdi. Çox danışılası sözüm yoxdu. Bütün azərbaycanlıları təbrik edirəm. Bu futbolun inkişafı üçün böyük addım olacaq. Bu karyeramda ən ciddi uğurdu və ilk dəfə idi ki, məğlubiyyətə sevinirdim. İlk hissə də pis getmirdi, müdafiədə diqqətli olmadıq. Rəqib ilk dəqiqələrdən cidddi presinq edirdi. Maksimum çalışırdıq ki, bununqarşısını alaq. Azakeşin sayı da çox idi. Onların da təzyiqi var idi. Buna baxmayaraq, sona kimi inandıq, güvəndik. İkinci hissədə daha soyuqqanlı oynadıq, bu da başa düşüləndi. Belə oyunlardan oyunun əvvəlində həyəcan olur”
Qurban Qurbanov transfer ehtimalı ilə bağlı da danışıb:
“Mütləq transfer etməyi planlaşdırırıq. Hal-hazırda gedən danışıqlar da var. Mütləq çalışmalıyıq ki, heç olmasa bir-iki transfer edək”
