2017-ci ildə ən çox qol vuran adlar müəyyənləşib
İl başa çatmamış olsa da, yanvarın 1-dən bu günə qədər olan statistikaya əsasən, “Barselona”nın hücumçusu Lionel Messi hamını qabaqlayır.
Ulduz futbolçu klubunda və Argentina yığmasında ümumilikdə 51 qola imza atıb ki, bu, rəqibləri üçün əlçatmazdı. Messi bu toplardan 47-ni “Barsa”nın heyətində vurub ki, bu baxımdan da hamıdan öndədi. İki və üçüncü yerlərin sahibi müvafiq olaraq, 47 qolla Polşa yığmasının və “Bavariya”nın forvardı Robert Levandovski və “Tottenhem”in və İngiltərə millisinin qol “silahı” Harri Keyn (45 qol) olub.
Maraqlıdı ki, FİFA tərəfindən ilin ən yaxşısı seçilən Kriştianu Ronaldo özünə yalnız 4-cü pillədə yer tapa bilib. Portuqaliyalı forvard millidə və klubda ümumilikdə 45 dəfə rəqib qapılarına yol tapıb.