İlin ən yaxşı qapıçısı və qolu adına namizədlər bilindi
03.09.2018 , 20:40
FİFA ilin ən yaxşı qapıçısı və qolu nominasiyası üzrə namizədləri açıqlayıb.
Siyahıda 3 qapıçı yer alıb. Bunlar Uqo Loris ( Fransa, “Tottenhem”) ,Kasper Şmeyxel ( Danimarka, “Lester”) və Tibo Kurtuadır (Belçika, “Real”).
İlin ən yaxşı qolu üzrə namizədləri isə bunlardır:
Qaret Beyl (“Real”), Kriştiano Ronaldo (“Yuventus”), Lionel Messi (“Barselona”), Benjamin Pavar (Fransa), Rikardu Kuarejma (Portuqaliya), Məhəmməd Salah (“Liverpul), Denis Çerışev (Rusiya), Lazaros Xristodulopulos (“Olimpiakos”), Corcian de Arraskaeta (“Kruzeyro”), Rayli Makqri (“Nyukasl Cets”).
Qeyd edək ki, bütün nominasiyalar üzrə mükafatlar sentyabrın 24-də İngiltərənin paytaxtı Londonda keçiriləcək mərasimdə təqdim olunacaq.
