İlin ən yaxşı məşqçisi
16.12.2025 , 22:30
FİFA 2025-ci ilin ən yaxşı məşqçisini açıqlayıb.
Korner.az xəbər verir ki, bu dəfə mükafat PSJ-nin baş məşqçisi Luis Enrikeyə verilib.
İspaniyalı mütəxəssis bu uğura nail olmaq üçün “Barselona”nın baş məşqçisi Hans-Diter Flik, “Çelsi”nin çalışdırıcısı Entso Mareska, “Arsenal”ın baş məşqçisi Mikel Arteta, “Liverpul”un çalışdırıcısı Arne Slot, Portuqaliya və Meksika milli komandalarının müvafiq məşqçiləri Roberto Martines və Xavyer Aqirre ilə mübarizə aparıb.
Qeyd edək ki, ötən mövsüm Enrikenin rəhbərliyi altında PSJ həm Çempionlar Liqasını, həm Fransa çempionatını, həm ölkə kuboku və Fransa Superkubokunu qazanıb. Eyni zamanda komanda Klublararası Dünya Çempionatının finalına yüksələrək UEFA Superkubokunu da əldə edib.
