“Qəbələ” klubunun Avroliqanın I təsnifat mərhələsindəki rəqibi Bosniya və Hersoqovinanın “Şiroki Brieq” klubunun baş məşqçisi Slaven Musa püşkün nəticəsini haqda danışıb.
Korner.az-ın məlumatına görə, 43 yaşlı mütəxəssis komandasının “Qəbələ”ni keçəcəyinə ümid etdiyini bildirib:
“Biz uzun səyahətin qarşısını almaq istəyərdik. “Qəbələ” bizim üçün naməlum komandadır. Cavab matçını evdə keçirməyimiz yaxşıdır. Ümid edirəm ki, iki oyunda Azərbaycandan olan rəqibimizdən üstün olacağıq”.
