İki güləşçimiz finalda
20.08.2022 , 21:13
Bolqarıstanın paytaxtı Sofiya şəhərində 20 yaşadək güləşçilər arasında keçirilən dünya çempionatı davam edir.
Korner.az xəbər verir ki, Azərbaycanın iki yunan-Roma güləşçisi finala yüksəlib.
67 kq çəki dərəcəsində yarışan Kənan Abdullazadə yarımfinalda qazaxıstanlı Məhəmməd Qoşqara 9:2 hesabıyla qalib gəlib. Qurban Qurbanov (72 kq) isə ukraynalı İrfan Mirzoyevi 5:0 hesabıyla üstələyib.
Dünya çempionatının final görüşləri sabah baş tutacaq.