İki görüşün hakimi dəyişdirildi
03.04.2019 , 10:14
Topaz Premyer Liqasında və I Divizyonda keçiriləcək oyunlarda hakim dəyişiklikləri baş tutub.
PFL-in rəsmi saytına istinadən verilən xəbərə görə, hakim və hakim-inspektorlar üzrə komitənin Peşəkar Futbol Liqasına təqdimatına əsasən Topaz Premyer Liqasının XXIII turunun “Sumqayıt” – “Keşlə”, I Divizionun XXI turunun “Keşlə-2” – “Turan Tovuz” oyunlarının hakim təyinatlarında dəyişiklik edilib. “Sumqayıt” – “Keşlə” qarşılaşmasında Namiq Hüseynovu Vüqar Bayramov, “Keşlə-2” – “Turan Tovuz” görüşündə isə Vüqar Bayramovu Teymur Teymurov əvəz edib.
