Londonun ev sahibliyi etdiyi 2012-ci il Yay Olimpiya oyunlarının açılış mərasimi olub. Korner.az-ın məlumatına görə, ölkəmiz 14-cü olaraq açılış paradından keçib. təntənəli keçiddə ilk olaraq olimpiadanın vətəni Yunanıstan təmsilçiləri yer alıb.
Sonradan digər ölkələr əlifba sırası ilə tamaşaçılar önündən keçməyə başlayıblar.
Azərbaycanın bayraqdarı isə 2008-ci il Pekin olimpiadasında ölkəmizə yeganə qızıl medalı qazandırmış cüdoçu Elnur Məmmədli yerinə yetirib.
Olimpiadanın açılış mərasimində iştirak edən Azərbaycan prezidenti İlham Əliyev və xanımı Mehriban Əliyeva paraddan keçən nümayəndə heyətimizi salamlayıb və alqışlayıblar.
Qeyd edək ki, 2012-ci il London Yay Olimpiya Oyunlarında 204 ölkədən 10500 idmançı mübarizə aparacaq.
