İdman naziri Avropa Üzgüçülük Federasiyasının prezidenti ilə görüşdü
03.04.2025 , 15:56
Gənclər və idman naziri Fərid Qayıbov Avropa Üzgüçülük Federasiyasının prezidenti Antoniu Silva Len ilə görüşüb.
Korner.az xəbər verir ki, görüşdə üzgüçülüyün inkişafı, beynəlxalq əməkdaşlıq və gələcək layihələr barədə fikir mübadiləsi aparılıb.
Həmçinin, Avropa Üzgüçülük Federasiyası və Azərbaycan arasında əlaqələrin daha da genişləndirilməsi, birgə layihələrin icrası və təcrübə mübadiləsi imkanları müzakirə edilib.
Görüşdə Azərbaycan Üzgüçülük Federasiyasının prezidenti Zaur Əliyev, Avropa Üzgüçülük Federasiyasının vitse-prezidenti Yosip Varvodiç və digər şəxslər iştirak ediblər.
