.jpg)
DÇ-2014-ün seçmə mərhələsi çərçivəsində Lüksemurqla oyunda 0:0-lıq heç-heçə edərək tənqidlərə məruz qalan Foqts və onun yetirmələri bu gün Portuqaliya ilə qarşılaşacaq.
Maraqlıdı, bəs görəsən Lüksemburq heç-heçəsindən sonra idman jurnalistləri millimizin oyununa gedəcəkmi? Ümumiyyətlə onların u oyunla bağlı pronzoları nədi?
Natiq Muxtarlı (Komanda): "Mən millimiz Uelsə uduzandan sonra oyunlaına getmirəm. Belə millinin oyunlarına da, proqnoz verməyi qeyi-ciddilik hesab edirəm. Millimiz bugünkü oyunda 2:0 hesabı ilə "qalib" gələcək. Portuqaliyaya bu hesabla məğlub olmaq Rövnəq Abdullayevin komandası üçün qələbəyə bərabərdi. Gəlin ciddi şeylərdən danışaq".
Emin Abbasov: (Müstəqil jurnalist): "Yox, oyuna getməyəcəm. Televiziya vasitəsi ile izləyəcəm. Bu milliden heç nə gğzləmirəm. Təsadüf heç-heçələrlə insanların başlarını aldatmaq lazım deyil. Nə sistemli oyun var, nədə ki, ustalıq səviyyəsi! Bu gun Foqts futbolçularımızın qarşısına bir şərt qoyub: minimal hesabla uduzmaq. Ki, sonra çıxıbb desin ki, ''nə istəyirdiz, Portuqaliyaya qalib gələk?'' Hesaba gəlincə, Portuqaliyanın kiçik hesablı qələbəsi daha real görünür".
Sənan Abdullayev (Xəzər Tv): "Millinin oyununa gedəcəm. Ən azı ümid sonda ölür. Və mən də ümidim ölənədək gözləyəcəm. Heç olmasa o məqama güvənmək istəyirəm ki, biz burada özünü razı aparan bəzi komandalara problem yarada bilmişik. Məncə bu oyunda Foqtsun taktikası-filan boş şeydi. Sadəcə, qeyrətlə sonadək döyüşmək lazımdı. O ki qaldı nəticəyə ya heç-heçə, ya da 0-1 hesablı məğlubiyyət olacaq məncə. Bir variant seçməli olsam, bir az da azarkeş kimi davranıb birinci variantı seçərdim".
Rəşad Ergün (Komanda): "Millimizin oyununa getməyəcəm. Proqnozu oyuna verərlər. Bizimkilərin oynadığı başqa şeydi".
Elşən Məmmədov (lent.az): "Oyun üçün akreditədən keçmişəm və matçı stadiondan izləyəcəyəm. Proqnozuma gəldikdə, milli komanda elə bir həssas mövzudur ki, nə qədər acılasan da, şirinliyi qaçmır. Bu baxımdan, "cırtdan" Lüksemburqu yenə bilməyən millimizin FİFA reytinqində 7-ci olan Portuqaliyaya asanlıqla uduzacağını demək çətindir. Mən millimizin ən azı layiqli müqavimət göstərəcəyini düşünürəm. Bu fikirləri təkcə milli hisslərin təsirindən demirəm. Eyni zamanda yığmamızın xeyrinə olan amillər də var. Bu, Azərbaycan millisi üçün cari seçmə tsikldə ikinci ev oyunu olacaq. Respublika stadionundakı ilk qarşılaşmada komandamız İsraillə qollu heç-heçə etməyi bacarıb. Portuqaliya isə son oyununu məhz İsrailə qarşı keçirib və səfərdə məhz Kriştianu Ronaldunun böyük əməyi sayəsində məğlubiyyətdən yaxa qurtarmağı bacarıb. Amma bu dəfə Ronaldu oynamayacaq və onun yoxluğunu Portuqaliya üçün ciddi itki saymaq olar. Millimiz bu amildən yararlanmağı bacarmalıdır. Sadəcə, daha cəsarətli oynamaq və 1999-cu ildə bundan da güclü Portuqaliya üzərində məhz mərkəzi arenada iki günə 3 hissəlik mübarizə nəticəsində qazanılan qələbəyə bərabər heç-heçədən ən azı psixoloji mənada bəhrələnmək lazımdır. Millimiz ələ düşəcək azsaylı fürsətdən maksimum yararlanarsa, görüşü xalla başa vura bilər. Bir sözlə, hər seçmə tsikldə bir rəqibinə badalaq vuran yığmamızın bu dəfə Portuqaliyaya çətin anlar yaşadacağını güman edirəm".
Əli Sahib (Fanat.az): "Çalışacam ki, gedim".
Amal Abışov (Futbol+) : "Gedəcəm. Hesab isə 0:4 olacaq".
Kənan Məstəliyev (Rekord.az): "Millinin oyununa bir jurnalist kimi getməyi özümə borc bilirəm və getməyənlərin də fikirinə hörmətlə yanaşıram. Hesab məncə 1:0 millimizin xeyrinə bitəcək. Ən azından buna ümid edirəm".
Asəf Zeynallı (Futbolpress.az): "Yox, getməyəcəm. Hesab 2:0 Portuqaliyanın xeyrinə olacaq".
Anar Xanlarov (Sportinfo.az): "Yox qardaşım mən artıq 1 ilə yaxındır millinin məşqlərini, Berti Foqtsun mətbuat konfranslarını, hətta millinin oyunlarını boykot eləmişəm. Nə qədər ki, Foqts, Elxan Məmmədov kimilər jurnalistlərə qarşı hörmətsizlik edəcək mən də bu cür edəcəm. Foqtsu görəndə artıq hirslənirəm və əminəm ki, onun növbəti saymazyana hörmətsiz açıqlaması fonunda onu vura da bilərəm. Ona görə ən yaxşısı heç getməyim qanqaraçılıq da olmasın. Oyuna gəlincə, Portuqaliya qalib gələcək, bu gün kimi aydındır. Kaş ki, böyük hesabla uduzub biabır olmayaq".
Səxavət QURBANOV
