Şotlandiyanın “Reyncers” klubu hazırda “Qəbələ”də çıxış edən futbolçu Endi Hallideyi icarədən qaytara bilər
Qlazqo təmsilçisi bunu qış transfer dövründə gerçəkləşdirməyi düşünür.
Hallidey “Qəbələ”yə böyük ümidlərlə gətirildiyi halda, heyətə nadir hallarda düşür. O, cəmi 4 dəfə “qırmızı-qara” formanı geyinib. Şotlandiyalı yarımmüdafiəçinin Azərbaycan klubu ilə icarə müqaviləsi mövsümün sonunadəkdir.
“Qəbələ”nin baş meneceri Zaur Əzizov açıqlamasında Hallideylə bağlı “Reyncers”dən heç bir istəyin olmadığını bildirib. O, qışda komandadan göndəriləcək futbolçunun olmadığını da əlavə edib: “Bizim bütün futbolçularla, o cümlədən, Endi ilə müqaviləmiz var. Futbolçularımızdan hansınısa göndərmək fikrində deyilik. Eləcə də komandamızdan getmək istəyini bizə bildirən olmayıb”.
Qeyd edək ki, Endi Hallidey “Qəbələ”də iyunun 28-dən forma geyinir.
report.az
