İbrahimoviç “Milan”la ilk peşəkar müqaviləsini bağladı
19.12.2025 , 10:30
“Milan”ın sabiq hücumçusu Zlatan İbrahimoviçin oğlu Vinsent İbrahimoviç karyerasında mühüm addım atıb.
Korner.az xəbər verir ki, 17 yaşlı yarımmüdafiəçi İtaliya nəhəngi ilə ilk peşəkar müqaviləsinə imza atıb.
Klubun rəsmi açıqlamasında bildirilib ki, Vinsent İbrahimoviç “Milan Futuro” – klubun gənc futbolçular üçün nəzərdə tutulan inkişaf layihəsinin tərkibində yer alacaq.
Qeyd edək ki, Zlatan İbrahimoviç 2023-cü ildə futbolçu karyerasını başa vurub. Hazırda o, “Milan”da rəhbər vəzifələrdən birində çalışır.
