“Mançester Yunayted”in futbolçusu Zlatan İbrahimoviç növbəti dəfə iddialı açıqlama verib.
İsveçli hücumçu Britaniya mətbuatına açıqlamasında hədəfinin İngiltərə Premyer Liqasını qazanmaq olduğunu deyib. O bildirib ki, yarımçıq qoyduğu işi tamamlamaq üçün qayıdıb: “İlk mövsümümdə üç titul qazandıq. Ancaq sonluq ürəyimcə olmadı, ən əsas titulu qazana bilmədik. İlk mövsümümdə başladığımız işi ikinci mövsümdə sona çatdırmalıyıq”.
Qeyd edək ki, uzun müddətdir zədədən əziyyət çəkən 36 yaşlı hücumçu artıq məşqlərə başlayıb.
