Fransa Liqasında bu mövsümün ən yaxşı futbolçusunun kimliyi açıqlanıb.
Korner.az-ın verdiyi məlumata görə, PSJ-nin isveçli hücumçusu Zlatan İbrahimoviç ardıcıl ikinci dəfə ölkə çempionatının ən yaxşısı seçilib.
O, komanda yoldaşları Tiaqo Silva, Tiaqo Motta və “Monako”dan Ceyms Rodriqesi geridə qoyaraq bu mükafatın sahibi olub.
Xatırladaq ki,bu mövsüm 25 qol və 13 məhsuldar ötürmə ilə yadda qalan Z.İbrahimoviç PSJ-nin çempion olmasında böyük rol oynayıb.