Beləmi bitməliydi? Təbii! Axı əzəli rəqabət adını verdiyimiz bu oyunun əvvəlində, axırında, harasında olur-olsun bir zibil olmalıydı. “İçinə edilməliydi” axı görülən işlərin. Heyif sənin əziyyətinə, Ramin Musayev. Heyif sənin işçilərinin yuxusuz gecələrinə…
Fasilədə Aslan Şahgəldiyevi… Yox, Aslanı yox, yorğunluğu gördüm. Aslanı bitirmiş, ona hakim kəsilmiş yorğunluğu…
Həftələrdən bəri qurulan işi bir anda puç eləməkçün bircə artıq söz lazım idi. Dəxli yoxdu kim dedi. O söz deyildi və nəticə: günün mövzusu PFL-in təşkil etdiyi şou, xüsusilə dövlət himninin səsləndirilmə anı üçün hazırlatdığı, tükləri biz-biz edən rolik, yaxud komandaların oyununun təhlili yox, məhz kiminsə ibnəliyidi… O ibnəlik ki, murdar qan kimi klublardan azarkeşlərə sıçrayıb. Və indi azarkeşlər yox, rəsmilərdi, futbolçulardı “baş rol”da.
Elnur Allahverdiyev açıq şəkildə “Eybi yox, gələrlər Lənkərana” deyirsə, deməli, hələ bu komediya davam edəcək. Sabah-birigün yeni mövsüm başlayacaq.“Neftçi” Lənkərana gedəcək. Özü də 2 dəfə. Bəs kim daşıyacaq məsuliyyəti? Yenə meydanı verəcəksiz qoçularınıza? Yenə bütün hoqqalardan çıxıb, bütün çirkin işləri, bütün ibnəlikləri görüb axırda da jurnalistlərdən obyektivlik gözləyəcəksiz? Bilmirdim, bağışlayın, artıq bilirəm. Özünüz ibnə ikən başqalarından ədalət umacaq qədər başdanxarabsızmış həm də… Sözüm anlayana
P.S. Bu qədər oxuduz, məşhur “kimdi müqəssir” sualına cavab tapmadız, eləmi? Tapmayacaqsız da. Bunu onsuz da edəcəklər. Qoçularınız kimi bəsləyib harınlaşdırdığınız qulbeçələriniz əmrinizi gözləyir. “Pamuk eller ceplere!”
P.P.S. Hər dəfə tənqid etdiyim PFL, təşəkkürlər! Bu imtahandan bircə sən üzü tüpürcəksiz çıxdın!
