"Xəzər Lənkəran"da sular durulmaq bilmir. Dünən Cənub klubunun rəsmi saytı Zakir Mahmudov, Zaur Ramazanov və Alim Qurbanovun tutduqları vəzifədən kənarlaşdırılması haqda bəyanat yerləşdirdi. Lakin bu gün onlardan sadəcə Zakir Mahmudovun istefaya göndərilməsi, Zaur və Alimin isə sadəcə məşqçilikdən qovulması haqda xəbərlər dolaşmağa başladı.
Məsələyə aydınlıq gətimərk üçün klubun mətbuat xidmətinin rəhbəri Yalççın Əliyevlə əlaqə saxladıq. Klub rəsmisi Korner.az-a açıqlamasında bu xəbərlərin yanlış olduğunu bildirib:
"Belə bir şey yoxdu. Hər üç məşqçi "Xəzər Lənkəran"dan tamamilə uzaqlaşdırılıb. Bunlar yanlış məlumatdı. Hər üç məşqçi istefaya göndərilib".
