Hollandiya çempionatının 2014-2015-vi illər mövsümünün qalibi bəlli olub.
Korner.az-ın məlumatına görə, “Herenven”i 1:4 hesabı ilə məğlub edən PSV mövsümün bitməsinə 3 tur qalmış çempionluğunu elan edib.
Əzəli rəqibi “Ayaks”la xal fərqini 10 xala çatdıran Eyndhoven təmsilçisi mövsüm ərzində keçirdiyi 31 oyundan 26-da qalib gəlib, 4-də məğlub olub, 1 qarşılaşmada isə heç-heçə edib.
Bu, PSV-nin sayca 22-ci çempionluğudur. Onun əzəli rəqibi “Ayaks” isə 33 dəfə çempionluq kubokunu başı üzərinə qaldırıb.
