Hollandiya millisinin futbolçusu Vinsent Yanssen Belçika yığması ilə keçirilmiş yoldaşlıq oyununda (1:1) aldığı zədə səbəbindən yaddaşını itirib.
Korner.az-ın məlumatına görə, matçın 27-ci dəqiqəsində rəqib qapıçı Simon Minyole ilə toqquşan hücumçu 20 dəqiqə özünə gələ bilməyib.
Ayıldıqdan sonra isə baş verən hadisəni xatırlamadığını deyib. Həkimlər onun DÇ-2018-in seçmə mərhələsi çərçivəsində Lüksemburqa qarşı keçiriləcək oyunda meydana çıxa bilməyəcəyini deyiblər.
