“İlk 4 pillədə qərarlaşa bilməyimiz üçün belə oyunlarda qələbə qazanmalı idik. Bu dəqiqədən sonra çox çətindi. Təbii ki, rəqiblərimizin oyunundan da çox şey asılıdır. Lakin riyazi olaraq şansımız qalacağı təqdirdə komandanın mübarizəni əldən verməsini istəmirəm”.
Korner.az-ın məlumatına görə, bu sözləri “Çelsi”nin yeni baş məşqçisi Qus Hiddink Premyer Liqada “Uatford”la 2:2 bərabərə qaldıqları oyundan sonra deyib.
Komandasının matçın 80-ci dəqiqəsində penaltidən yararlana bilməməsinə də münasibət bildirən hollandiyalı mütəxəssis bunları dilə gətirib:
“Komandanın iki qol buraxmasından sonra göstərdiyi reaksiya əla oldu. Oskarın penaltidən yararlana bilməməsi isə bəxtsizlik idi. Üzərində çalışmalı olduğumuz çatışmazlıqlar var. İrəliyə addımlar ata bilərik. Səhvlərimizdən dərs çıxarmalıyıq”.
