Çempionlar Liqasının 1/4 final mərhələsinin ilk oyununda səfərdə “Sevilya”nı məğlub edən (2:1) “Bavariya”nın baş məşqçisi Yupp Haynkes matçla bağlı fikirlərini bildirib.
Alman mütəxəssis ölkəsinin mətbuatına açıqlamasında qələbəyə rəğmən, komandasının oyunundan razı qalmadığını deyib:
“Oyuna yaxşı başladıq, komandada özünəinam yüksək səviyyədə idi. Ancaq sonradan səhvlər etməyə başladıq. Xüsusilə, mərkəzdə istənilən oyunu sərgiləyə bilmədik. Fasilədə futbolçularıma tapşırıqlarımı verdim. İkinci hissədə oyuna nəzarət etdik.
Çempionlar Liqasını qazanmaq istəyiriksə, bugünkündən daha yaxşı oynamalıyıq. Bu gün qələbə qazanmaq vacib idi”.
