Hayner Kompaninin müqaviləsinin uzadılmasını şərh etdi
21.10.2025 , 23:45
“Bavariya”nın prezidenti Herbert Hayner baş məşqçi Vensan Kompani ilə müqavilənin uzadılmasını şərh edib.
Korner.az klubun mətbuat xidmətinə istinadən xəbər verir ki, o, Kompaniyə olan etimadının bu qərarın əsas səbəbi olduğunu bildirib:
“Vensan gördüyü işlə həm futbolçuların, həm rəhbərliyin, həm də azarkeşlərin hörmətini qazanıb. Müqavilənin uzadılması onun işinə göstərilən güclü etimadın sübutudur və biz əməkdaşlığın davam etməsindən məmnunuq”.
Qeyd edək ki, belçikalı mütəxəssisin yeni müqaviləsi 2029-cu ilədək uzadılıb.
