“Mançester Yunayted” və İngiltərə millisinin sabiq üzvü Rio Ferdinand həmyerlisi Harri Keyn haqda danışıb. “Yahoo Sports”un suallarını cavablandıran sabiq futbolçu Keyunin ünvanına tərif yağdırıb.
O, bildirir ki, Harri Keyn komandada olduğu zaman “Tottenhem” çempionluğa oynaya bilər. Əksi olduqda isə londonluların heç bir şansı qalmır:
“Əgər Keyn hazırki formasını saxlayıb bu tempdə davam etsə, “Tottenhem” çempionluğa oynaya bilər. Yox, əgər zədələnsə, o zaman komandanın heç bir şansı qalmır. Məni yanlış başa düşməyin, demirəm ki, “Tottenhem” bir futbolçudan aslı komandadır. Sadəcə Keyni əvəzləyə biləcək oyunçuları yoxdu”
