“Haqqımızda deyilənləri dinləmirik. “Real” haqda ancaq mənfi fikirlər söylənilir. Mən isə bunu qəbul etmirəm. Dedikləri qədər pis vəziyyətdə deyilik”.
Bu sözləri “Real”ın baş məşqçisi Zinəddin Zidan La Liqanın 19-cu turunda “Vilyarreal”la oyun öncəsi keçirilən mətbuat konfransında deyib.
O, tənqidlərdən bezdiyini bildirib: “Real”ın səhv oynadığını eşitməkdən yorulmuşam. Bizim haqqımızda pis fikirlər qəzetlərin satışlarını artırır. Oyunçularıma da demişəm ki, belə sözlərə fikir verməmək lazımdır.Üç turnirdə- Çempionlar Liqası, La Liqa, İspaniya kubokunda mübarizəni davam etdiririksə, hansısa uğursuzluqdan danışmaq gərəksizdir”.
