"Mən sabahkı oyunda öz komandama inanıram və qarşıdakı oyundan ancaq qələbə gözləyirəm. Rəqibə hörmətlə yanaşırıq. Ancaq məqsədimiz dəyişmir. Oyuna hədsiz istək və aqresiyya ilə çıxacağıq”.
Korner.az-ın məlumatına görə, bu sözləri “Hapoel”in (İroni Kiryat) klubunun baş məşqçisi Gili Landau deyib.
Sabah Çempionlar Liqasınn üçüncü təsnifat mərhələsi çərçivəsində "Neftçi" ilə qarşılaşacaq İsrail təmsilçisinin çalışdırıcısı paytaxt klubunun büdcəsindən və "ağ-qaralar" haqda topladıqları məlumatdan danışıb:
“Bu, sirr deyil ki, bizim elə də böyük büdcəmiz yoxdur və bu mənada imkanlı klublarla başa-baş gələ bilmərik. Bilirik ki, “Neftçi” də imkanlı klubdu. Ancaq futbolda pul hər şeyi həll etmir və biz bunu sabah meydançada sübut etməyə çalışacağıq.
Azərbaycanlılar 4 futbolçu ilə gücləniblər və bunlardan xəbərim var. Rəqibin istəyi və məqsədi də bizə məlumdur. Odur ki, ilk dəqiqələrdən oyuna nəzarəti ələ almağa və rəqibə diktə etməyə çalışacağıq. Bundan əvvəlki mərhələdə göstərdiyimiz oyunu ortaya qoymalıyıq. Futbolçularıma da başa salmışam ki, tarix yazmaq üçün bizim gözəl şansımız var. Əminəm ki, sabah tribunalar da dolu olacaq və minlərlə azarkeş bizi dəstəkləyəcək”.
Qeyd edək ki, “Hapol”-“Neftçi” matçı sabah Bakı vaxtı ilə saat 21:30-da start götürəcək.