“Hall Siti” “Bayer”dən futbolçu transfer edir
23.08.2024 , 12:30
Acun Ilıcalının sahibi olduğu “Hall Siti” yarımmüdafiə xəttini Qustavo Puerta ilə gücləndirməyə hazırlaşır.
Korner.az xəbər verir ki, klub 21 yaşlı yarımmüdafiəçinin transferi üçün “Bayer Leverkuzen”lə anlaşıb.
“Kicker”də yer alan xəbərə görə, futbolçu üçün edilən razılaşmada Puertanın müəyyən sayda matç keçirməsi halında satın alma opsiyasının da yer aldığı bildirilib.
Puertanın alış variantının 4-5 milyon avro arasında olduğu qeyd edilib.
“Hall Siti”nin gənc futbolçunun transferini tezliklə rəsmiləşdirməsi gözlənilir.
Cari bazar dəyəri 3 milyon avro olaraq göstərilən Qustavo Puertanın “Bayer”lə hazırkı müqaviləsi 2028-ci ilə qədər davam edir.
