Hakimlər Komitəsindən yeni qərar
01.02.2019 , 17:19

AFFA-nın Hakimlər Komitəsi U-13 və daha aşağı yaş qruplarına aid komandalar arasında keçirilən turnirlərlə bağlı yeni qərar qəbul edib.
Bundan sonra bu yaş qruplarından ibarət komandaların oyunlarına 1 hakim təyinat alacaq.
Qərar beynəlxalq Oyun Qaydalarının tələbləri, beynəlxalq təcrübə və hakimlərin fiziki hazırlığının yüksəldilməsi əsas götürülərək qəbul olunub. İndiyə qədər qeyd olunan bəzi turnirlərdə oyunları 2 hakim idarə edirdi.
Qeyd edək ki, daha öncə Hakimlər Komitəsi futzal üzrə 1-ci və 2-ci liqalarda hakim sayının 3-ə qaldırılması haqda qərar vermişdi.
