“Hakimlər bizə qarşı fərqli yanaşırlar”
01.02.2023 , 18:32
“Qəbələ”nin baş məşqçisi Elmar Baxşıyev Azərbaycan Premyer Liqasının XX turuunda “Sabah”a 0:3 hesablı ev məğlubiyyətindən sonra fikirlərini bildirib.
Korner.az xəbər verir ki, o, martçdan sonra keçirilən mətbuat konfransında bunları deyib:
“Özümə söz vermişdim ki, hakimlər barədə danışmayacam. Amma danışmağın vaxtı çatıb. Vüqar Həsənli layiqli qələbə qazandı. Əlindən gələnin ən yaxşısını etdi, Gəncədə də qapımıza verilən ilk penalti mübahisəli idi. Hakimlər bizə qarşı fərqli yanaşırlar. Ruan Renatoya verilən ilk sarı yanlış idi. hakimlərin verdiyi qərarlar futbolçularda qıcıq yaradır. Futbol emosiya oyunudur. Futbolçular da hakimlərin etdiyini hiss edirlər. Ruanı sakitləşdirmək çətin idi. Oyunçularıma tövsiyə edirəm ki, belə hallara çöx önəm verməsinlər. Bu, ilk dəfə deyil.
Mütəxəssis qırmızı vərəqə alıb meydandan qovulan Ruan Rernatonu cəzalandırmayacaqlarını deyib:
“Ona haqsız yerə sarı veriblərsə, biz onu necə cəzalandıra bilərik? Əgər yanlış qərar verən hakim növbəti turda təyinat alırsa, biz Ruana niyə cəza verək?”
