NBA-da mübarizə aparan “Sakramento Kinqs”in formasını geyinən Rajon Rondo barəsində homofobik açıqlama verdiyi hakim Bill Kennedidən üzr istəyib.
Korner.az-ın məlumatına görə, Rondo dekabrın 3-də keçirilmiş qarşılaşmanı idarə edən Kennedinin gey olduğunu uduzduqları üçün əsəbi olduğundan dediyini, təhqirinin gerçək düşüncəsini əks etdirmədiyini bildirib.
Homofobik sözlərinə görə 1 oyunluq cəzalandırılan basketbolçu tvitter səhifəsində LGBT birliyinə qarşı hörmətsizlik etməyi düşünmədiyini və kimsəni təhqir etmək istəmədiyini yazıb. Rondonun bu hərəkətinə görə üzr istəyən “Sakramento Kinq”in prezidenti Vivek Ranadive isə bildirib ki, onun davranışları nə klubun fəlsəfəsinə, nə də içində yaşamaq istədiyimiz dünya mədəniyyətinə uyğundur.
Homoseksual olduğunu açıqladıqdan sonra bütün NBA və idman dünyası tərəfindən dəstəkləndiyini deyən Bill Kennedi sözügedən basketbolçunun davranışını xəyal qırıqlığı kimi ifadə edib.