Ötən gecə keçirilən İspaniya Kral Kubokunun “Real” və “Atletiko” klubları arasındakı final oyununu stadiondan “Bakı”nın prezidenti Hafiz Məmmədov da izləyib.
Korner.az-ın məlumatına görə, “zolaqlılar”ın rəhbəri 2:1 hesabıyla qalib gələrək baş mükafata sahib çıxan “Atletiko”lu futbolçuları oyundan sonra bir-bir təbrik edib.
“Atletiko” “Bakı” ilə əməkdaşlıq edir. Formalarının üzərində “Land of fire Azerbaijan” reklamını daşıyan madridlilər bir müddət öncə bu əməkdaşlıq çərçivəsində Bakıda da olmuşdular.
