Bu gün “Bakı” Futbol Klubunun prezidenti Hafiz Məmmədovun ad günüdür.
1964-cü il dekabrın 2-də Naxçıvan Muxtar Respublikasının Naxçıvan şəhərində anadan olan H.Məmmədov 1971-1981-ci illərdə Naxçıvan şəhəri 3 saylı orta məktəbdə təhsil alıb. Orta məktəbi müvəffəqiyyətlə bitirərək 1981-ci ildə Azərbaycan Dövlət Xalq Təsərüfatı Institutuna daxil olub, 1985-ci ildə bu ali tədris müəssisəsinin mühasib ixtisasına yiyələnib.
1985-86-cı illərdə Dövlət Yeyinti Sənayesi Təşkilatının Sabunçu rayon şöbəsində mühasib vəzifəsində çalışıb.
1987-88-ci illərdə Naxçıvan MR-in Dövlət Sənaye Nazirliyində iqtisadçı vəzifəsində işləyib.
1988-92-ci illərdə Naxçıvan MR-in Naxçıvan şəhərində “Əmanət” bank idarəçiliyində kredit şöbəsinin rəhbəri vəzifəsini icra edib.
1992-95-ci illərdə “Sənan” kiçik müəssisəsində baş menecer,1995-97-ci illərdə “Alfa plyus” Kommersiya Təşkilatında baş menecer, 1998-ci illərdə “Baghlan Traiding” şirkətinin direktorlar şurasının sədri vəzifələrində işləyib.
2001-ci ildən “Baghlan General Traiding” MMC- də baş menecer vəzifəsində fəaliyyətə başlayıb.
2003- cü ildən bugünədək “Baghlan Group FZCO”-nun prezidentidir.
2004-cü ilin noyabrından “Bakı” Futbol Klubunun prezidentidir, AFFA İcraiyyə Komitəsinin üzvü olub.
Azərbaycan, rus və ingilis dillərində sərbəst danışır.
Ailəlidir 3 övladı var.
Hafiz bəyi doğum günü münasibəti ilə təbrik edir, cansağlığı və xoşbəxtlik arzulayırıq. Yenidən stadionlarda görmək arzusu ilə…
