Topaz Premyer Liqasının 30-cu turunun mərkəzi oyununda “İnter” “Neftçi”ni qəbul edib.
Korner.az “İnter”ə 2-1 hesabı ilə uduzan “Neftçi”nin baş məşqçisi Böyükağa Hacıyevin mətbuat konfransında verdiyi açıqlamanı sizə təqdim edir:
“Gərgin oyun oldu. Komandalar bir-birini yaxşı tanıyır. Oyunda üstünlük bizdə idi, top dirəkdən qayıdırsa, deməli, qələbə qismətimizdə deyildi. “İnter” ilk hissədə qol epizodu yaratmadı. Bundan sonra ikincilik uğrunda mübarizə “Neftçi” və “İnter” arasında gedəcək. “Bakı” və “Qəbələ” bu gün xal itirərək ikincilik uğrunda yarışda bizdən geri qalırlar. Əsas məqsədimiz qarşıdakı oyunlarda qələbə qazanıb mövsümü ikinci yerdə bitirməkdir. Bütün komandalar, eləcə də “İnter”, “Neftçi”yə qarşı başqa cür köklənirlər. Rəşad Sadiqov oyunda əlindən gələni etdi. Oyundan sonra videoyazıya baxıb oyunçularla söhbət edəcəm”.
