Türkiyənin Bolu şəhərində təlim-məşq toplanışında olan Bakının "Neftçi" klubunun baş məşqçisi Böyükağa Hacıyev komandasının hazırlıq prosesi haqda danışıb.
Korner.az-ın məlumatına görə, klubun rəsmi saytına müsahibə verən B.Hacıyev komandada mehribançılığın hökm sürdüyünü bildirib:
"Təlim-məşq toplanışı zamanı komandanı tam hazır vəziyyətə gətirməyə çalışırıq ki, Avropada öz sözünü deməyə müyəssər olsun. Mənə elə gəlir ki, biz də müəyyən mənada buna nail ola bilirik.
Uşaqlar çox həvəslə işləyirlər. Komandada mehribançılıq hökm sürür. Çalışacağıq ki, əlimizdə olan vaxtdan səmərəli istifadə edək və Çempionlar Liqasında elə bir komanda ortaya qoyaq ki, həqiqətən də sevinək".
